Dagur B. Eggertsson, borgarstjóri í Reykjavík og Ingigerður Guðmundsdóttir, formaður ÍR, undirrituðu þann 30. janúar sl. samning um uppbyggingu og rekstur íþróttamannvirkja í Breiðholti. Undirritunin fór fram í íþróttahúsinu við Austurberg.
Helstu atriði í samstarfi ÍR og Reykjavíkurborgar:
- Framtíðarsýn ÍR og Reykjavíkurborgar um uppbyggingu og rekstur íþróttamannvirkja í Breiðholti með fyrsta flokks þjónustu fyrir börn, unglinga og afreksfólk í huga.
- Uppbygging á athafnasvæði ÍR í Mjódd:
- Frjálsíþróttavöllur verður tekinn í notkun á næsta ári
- Gervigrasvöllur verður lagaður í sumar
- Þjónustuhús verður reist við frjálsíþróttavöll
- Viðbygging – bætt félags- og búningsaðstaða við núverandi félagshús
- Knatthús verður tekið í notkun í lok árs 2018
- Íþrótta- og keppnishús með löglegum handknattleiks- og körfuboltavelli verður tekið í notkun í lok árs 2020
- Deiliskipulag svæðisins í heild verður endurskoðað
- Byggingu fimleikahúss verður lokið fyrir haustið 2023
- ÍR annast áfram rekstur íþróttahúsa við Seljaskóla og Austurberg. Gerður verður langtíma leigu- og rekstrarsamningur.
