ÍR Keiludeild leggur metnað sinn í að gera vel við iðkendur sína. Um árabil hefur verið viðhöfð sú stefna að vera fremst félaga/deilda í keilunni þegar kemur að stuðningi við félagsmenn sína og afreksfólk. Í því fellst ýmis stuðningur svo sem fjárhagslegur og annar.
Hér fyrir neðan má sjá þær reglur sem gilda um styrki deildarinnar, þær voru síðast yfirfarnar og samþykktar af stjórn í ágúst 2025.
Umsóknir um styrki til deildarinnar
Reglur keiludeildar ÍR um gjöld, styrki og keppnisbúninga
1. gr.
Félagsgjöld
Allir meðlimir í keiludeild ÍR skulu greiða félagsgjöld, sbr. þó 3. mgr., sem eru eftirfarandi:
a. Félagar sem ekki stunda keppni á vegum félagsins greiða 3.000 kr. á ári
b. Nýir félagar sem keppa á vegum félagsins greiða 7.500 kr. á fyrsta ári
c. Eldri félagar sem keppa á vegum félagsins greiða 14.000 kr. á ári
Félagsgjaldið miðast við keppnistímabil keilunnar og hefst því nýtt tímabil í september ár hvert. Félagsgjöld skal greiða á tímabilinu september til nóvember ár hvert.
Börn og ungmenni sem stunda æfingar hjá félaginu og greiða æfingagjöld greiða ekki félagsgjöld.
2. gr.
Æfingagjöld barna og ungmenna
Æfingargjöld eru 51.300 kr. fyrir fulla þátttöku.
3. gr.
Styrkir til liða vegna deildar- og bikarkeppni
Auk styrkja samkvæmt 1. mgr. greiðir deildin eftirfarandi gjöld sem KLÍ innheimtir:
a. Gjöld vegna liðaskipta
b. Gjöld vegna venslasamninga
c. Keppnisgjöld pr. einstakling Frestun á tímabilinu 2025-2026 verður endurskoðað að ári.
4. gr.
Styrkir til einstaklinga
Keiludeild veitir eftirfarandi styrki til einstaklinga sem keppa undir merkjum ÍR:
a. 20% afslátt af árskortum í keilu fyrir deildarspilara
b. 15.000 kr. vegna ferða á viðurkennd erlend mót (að hámarki 4 mót á ári)
c. Hægt er að sækja sér um vegna landsliðsferða og skipulagðra ferða afrekshópa. Styrkur er 75% af eftirstöðum að hámarki 100.000kr
Auk annarra styrkja sem tilteknir eru í reglum þessum veitir keildudeild eftirfarandi styrki til barna og einnig ungmenna undir 23 ára sem eru í afrekshópi ÍR eða KLÍ:
a. Greiðir keppnisgjöld í deild og bikar
b. Endurgreiðir keppnisgjöld í mót á vegum félaga eða KLÍ ef einstaklingur kemst í undanúrslit eða úrslit
5. gr.
Keppnisbúningar
Lið sem keppa í deildar- eða bikarkeppni eiga rétt á liðsbúningum og bláum ÍR keppnistreyjum fyrir liðið. Þar að auki eiga lið rétt á nýjum liðstreyjum á þriggja ára fresti. Keiludeild greiðir fyrir treyjurnar en lið greiða sjálf fyrir merkingar.
Meðlimir liða eiga einnig rétt á 5000 kr. styrk til buxnakaupa á þriggja ára fresti.
6. gr.
Umsýsla vegna styrkja
Beiðnum um styrki samkvæmt reglum þessum skal beina á vef deildarinnar, hér fyrir ofan. Stjórn og/eða gjaldkeri afgreiðir umsóknirnar.
7. gr.
Gildistími
Reglur þessar voru samþykktar á fundi stjórnar keiludeildar þann 31. Mars 2026.
Stjórn skal taka reglurnar til skoðunar árlega og uppfæra ef þörf er á.
