Íþróttaleikarnir Reykjavík International Games (RIG) eru haldnir dagana 24. janúar – 4. febrúar 2019. Þetta er í tólfta sinn sem leikarnir eru haldnir og í sjöunda sinn sem Karatesamband Íslands tekur þátt. Karatehluti RIG var haldinn í frjálsíþróttahöllinni í Laugardal sunnudaginn 27. janúar 2019. Keppendur voru 90 talsins frá 14 félögum, þar á meðal voru 12 erlendir keppendur frá Danmörku, Skotlandi, Hollandi og Þýskalandi.
Tveir keppendur frá Karatedeild ÍR voru skráðir til keppni. Tómas Lezek Kisilewski keppti í kumite drengja -63kg og Aron Anh Ky Huynh keppti í kata karla. Aron komst í úrslit og vann til gullverðlauna. Í öðru sæti varð Elías Snorrasson, KFR og í þriðja sæti urðu Þórður Jökull Henrysson, Aftureldingu og Aron Bjarkason, Þórshamri. Úrslitin voru sýnd í beinni útsendingu á RÚV.
úrslit frá karatehluta RIG 2019
