Erna Sóley hefur nú lokið keppni á Ólympíuleikunum og við erum ótrúlega stolt af henni! Hún er fyrsta íslenska konan til að keppa í kúluvarpi á Ólympíuleikum, og það eitt og sér er gríðarlega stórt afrek. Erna sýndi í hvað sér bjó þar sem lengsta kastið hennar, 17,39 metrar, kom í annarri umferð. Fyrsta kast hennar mældist 17,34 metrar, annað kast 17,39 metrar, og þriðja kast 17,29 metrar.
Erna náði ellefta sæti í sínum kasthópi og varð tuttugasta í heildina, aðeins átta sætum frá því að komast í úrslit. Að vera svo nálægt úrslitum á sínum fyrstu Ólympíuleikum er stórkostlegur árangur.
Erna Sóley á Íslandsmetið í kúluvarpi bæði innan- og utanhúss, og fyrr í sumar bætti hún sitt eigið utanhússmet á Meistaramóti Íslands með kasti upp á 17,91 metra, sem er aðeins sentímetri frá innanhússmetinu hennar.
Við erum óendanlega stolt af Ernu fyrir hennar framúrskarandi árangur á Ólympíuleikunum og hlökkum til að sjá hvað framtíðin ber í skauti sér fyrir hana. Til hamingju, Erna Sóley!
