Bronsleikar ÍR eru haldnir að hausti ár hvert. Leikarnir eru til heiðurs Völu Flosadóttur sem vann til bronsverðlauna í stangarstökki á Ólympíuleikunum í Syndey árið 2000.

Á Bronsleikum er keppt í Fjölþraut barna sem samanstendur af þrautum sem reyna á styrk, snerpu, úthald og samhæfingu. Þrautirnar eru þróaðar sérstaklega fyrir þann aldur sem þær eru lagðar fyrir svo allir ættu að fá skemmtileg viðfangsefni við hæfi.

Tímasetning

Leikarnir árið 2023 verða haldnir í Laugardalshöll 7. október og hefst keppnin klukkan 9:00.
Keppendum verður raðað í hópa sem byggðir eru á félögum sem þeir koma frá en einnig verða settir saman hópar úr smærri félögum og einstaklingum.
Þann 6. Október verða upplýsingar verða sendar á foreldra og/eða þjálfara liðsins sem skráir keppendurna. Þar verða upplýsingar um mætingu, rástíma og hvenær keppni lýkur hjá hverjum hópi. Hver keppnishópur má hafa 3 liðsstjóra með sér og hvetjum við félögin til að skipuleggja það vel.

Flokkar og keppnisfyrirkomulag

Tímaseðill Bronsleika 2023

7 ára og yngri (2016- )

Fjölþraut barna – Börnin fara í 8 til 14 manna hópum í gegnum þrautabraut sem samanstendur af 6 þrautum.

Þrautirnar í ár verða: Klapphlaup, París, Kraftkast, Skutlukast, Stigaboðhlaup og Keðjulangstökk.

8 – 9 ára (2014-2015)

Fjölþraut barna – Börnin fara í 8 til 14 manna hópum í gegnum þrautabraut sem samanstendur af 7 þrautum.

Þrautirnar í ár verða: 30 m hlaup, Langstökk, Kúluvarp, Hindrunarhlaup, Grindaboðhlaup, Skutlukast og Sipp.

Í fjölþrautinni er árangur ekki skráður á einstaklingsgrundvelli heldur fær hver hópur bækling sem árangur hópsins er skráður í.

10 – 11 ára (2012-2013)

Fjórþraut – Börnin mynda 8 manna hópa og reyna sig í langstökki, kúluvarpi, 60m hlaupi og 600m hlaupi.

Í langstökki fá allir þrjú stökk og í kúluvarpi fá allir 4 köst og tvö lengstu köstin mæld.

Í fjórþrautinni er tekinn tími og árangur hvers og eins mældur og skráður inn í mótaforritið Þór.

Athugið að aldursflokkar miðast við fæðingarár en ekki afmælisdag.

Skráning

Skráning verður á  netskraning.is

Ef þjálfarar vilja hafa áhrif á hópaskiptingu eru þeir beðnir um að senda póst á irfrjalsar@gmail.com ekki síðar en miðvikudaginn 4. október kl 10:00. Í Fjórþraut verður félögum raðað saman í hópa eins og kostur er.

Skráningu lýkur 2. október kl. 12:00 (á hádegi).

Þátttökugjöld

3.000 kr til kl 22:00 – 29. september

4.700 kr. ef skráð er eftir kl.22:00 þann 29. september og til loka skráningar 2. október klukkan 12:00 (á hádegi). 

500 kr aðgangseyrir  er inn á Bronsleikana, hægt er að greiða í gegnum skráningarsíðu Bronsleikana á netskráning.is og sýna kvittun við komu.

Verðlaun

Þátttökuviðurkenning fyrir alla keppendur.

Nánari upplýsingar og fyrirspurnir

irfrjalsar@gmail.com

 

Sjáumst á Bronsleikum ÍR!