Meistarakeppni ÍR í keilu fór fram í dag

Í dag fór fram hin árlega Meistarakeppni ÍR í keilu en mótið er uppskeruhátíð ÍR-inga í keilu. Spiluð er ein þriggja leikja sería og að lokum fara 4 efstu karlar, 4 efstu konurnar og 4 efstu þar fyrir utan með forgjöf í úrslitin. Úrslitin eru spiluð þannig að efsta sætið mætir 4. sætinu og sæti 2 og 3 leika sín á milli. Sigra þarf einn leik til að komast í úrslitaleikinn og er sigurvegarinn þar krýndur ÍR meistarinn það árið.

Það voru þau Hlynur Örn Ómarsson og Nanna Hólm Davíðsdóttir sem sigruðu sinn flokk en Guðbjörn Joashua Guiðjónsson vann forgjafarflokkinn. Í öðru sæti í karla flokki varð Þórarinn Már Þorbjörnsson og í 3. sæti urðu þeir Hinrik Óli Gunnarsson og Svavar Þór Einarsson. Í öðru sæti í kvennaflokki varð Bára Ágústsdóttir og í þriðja sæti urðu þær Halldóra Í Ingvarsdóttir og Linda Hrönn Magnúsdóttir. Í forgjafarflokki varð Böðvar Már Böðvarsson í 2. sæti og í 3. sæti urðu þau Guðmundur Jóhann Kristófersson og Karítas Róbertsdóttir.

Verðlaunin í ár voru í boði Nettó þar sem Valdimar Guðmundsson kom og aðstoðaði sem og Pepsi Max og þökkum við stuðningsaðilum kærlega fyrir ómetanlegan stuðning í vetur.

Þetta mót markar eins og segir lok keppnistímabils ÍR-inga og þakkar keiludeildin öllum keilurum, foreldrum unganna okkar og öðrum kærlega fyrir veturinn.

Úrslit mótsins urðu annars þessi:

Myndir frá verðlaunaafhendingu