Íþróttafélag Reykjavíkur

Ég er ÍR-ingur!

Komdu að æfa

Íþróttafélag Reykjavíkur heldur úti metnaðargjörnu körfuknattleiksstarfi. Körfuknattleiksdeildin hefur aðsetur í Skógarseli 12.

Félagið heldur úti yngri flokka starfi og meistaraflokkum beggja kynja. Tímabilið 2025-2026 leikur karlalið félagsins í Bónus deildinni en kvennaliðið leikur í 1.deild Íslandsmótsins.

ÍR er eitt af stofnfélögum úrvalsdeildar karla í körfuknattleik og er eitt sigursælasta lið körfuknattleikssögunnar á Íslandi, og hefur alls unnið 15 Íslandsmeistaratitla. Þó nokkur bið hefur hinsvegar verið á Íslandsmeistaratitli í Meistaraflokki karla en sá titill hefur ekki unnist síðan árið 1977. ÍR varð síðast bikarmeistari karla árið 2007.

ÍR hefur einnig verið sigursælt í kvennaflokki, ellefu Íslandsmeistaratitlar hafa unnist, sá síðasti 1975. Eftir að liðið féll úr Úrvalsdeildinni árið 2004 var Meistaraflokkur lagður niður. Árið 2017 var liðið vakið úr dvala og hefur frekari uppbygging í kringum liðið átt sér stað síðan þá og liðið tekið miklum framförum á hverju ári frá endur- vakningu þess.

Markmið yngriflokkastarfs KKD ÍR er að kveikja áhuga og leikgleði hjá yngstu iðkendum, byggja upp traustan leikgrunn, leikskilning og líkamlega færni með stigvaxandi og markvissri þjálfun, efla metnað, sjálfstraust og tengsl við meistaraflokk, og skapa jákvætt félagslegt umhverfi með sterkum liðsanda, samstöðu og faglegri umgjörð fyrir alla iðkendur.

Meistaraflokkur Karla
Íslandsmeistaratitlar (15)
– 1954, 1955, 1957, 1960, 1961, 1962, 1963, 1964, 1969, 1970, 1971, 1972, 1973, 1975, 1977
Bikarmeistaratitlar (2)
– 2001, 2007
1.deild karla (2)
– 1987, 2000

Meistaraflokkur Kvenna
Íslandsmeistaratitlar (11)
– 1956, 1957, 1958, 1963, 1966, 1967, 1970, 1972, 1973, 1974, 1975
Bikarmeistaratitlar (1)
– 1979
1.deild kvenna (1)
– 2003

Opna sportabler