Thelma Lind Kristjánsdóttir hafnaði í 9. sæti í kringlukasti 23 ára og yngri á Evrópumótinu í kastgreinum í Leiria í Portúgal í dag. Thelma Lind kastaði 47,52 metra sem er fimmta lengsta kastið hennar á ferlinum en hún á best 50,42 m síðan árið 2016 en lengst kastaði hún 49,53 m í fyrra.
Guðni Valur Guðnason sigraði kasthóp B með kasti upp á 61,82 m, næstum 1 metra lengra en næsti maður. Kastsería hans var: 57.30m, 58,44m, 57,90m, 59,70m, 61,82m, óg. Árangurinn gefur 1094 stig og er ársbesti árangur Guðna og um metra lengra en hann kastaði lengst í fyrra, 60.94m. Besti árangur Guðna er 63,50m síðan 2015, en þessi árangur nú er hans þriðji besti frá upphafi en næst lengsta kast hans er 3 cm lengra, 61,85m. Í kastgrúppu A var lengsta kastið 66,81m, en árangur Guðna gaf honum 6. – 7. sætið í heildina.
Flott byrjun á sumrinu hjá Thelmu og Guðna Val.
Fríða Rún Þórðardóttir tók saman
