ÍR í úr­slit eft­ir sig­ur gegn Stjörnunni í odda­leik graphic

ÍR í úr­slit eft­ir sig­ur gegn Stjörnunni í odda­leik

19.04.2019 | höf: Hrafnhild Eir R.

ÍR mun leika til úrslita við KR á Íslandsmóti karla í körfubolta eftir að hafa sigrað Stjörnuna í oddaleik á útivelli í gærkvöldi. ÍR vann einvígið 3:2.

Leikurinn var jafn í fyrsta leikhluta en Stjarnan var einu stigi yfir, 21:20, að honum loknum. Í öðrum leikhluta byrjaði Stjarnan betur en okkar menn í ÍR náðu að snú því við og var staðan í hálfleik 50:37 fyrir ÍR.

Í upphafi seinni hálfleiks hélt ÍR áfram að bæta forskot sitt og þegar þriðji leikhluti var tæplega hálfnaður var munurinn orðinn 19 stig. Stjörnunni tókst hins vegar að minnka muninn niður í 10 stig fyrir fjórða og síðasta leikhlutann. Mikil spenna var í síðasta leikhluta þar sem Stjarnan náði að minnka muninn niður í fjögur stig þegar 44 sekúndur voru til leiksloka. Stjarnan komst hins vegar ekki nær og ÍR hrósaði því sigri.

ÍR vann síðast Íslandsmeistaratitilinn í körfubolta karla árið 1977 eða fyrir 42 árum. Gaman væri því að sjá titillinn enda í Breiðholtinu í ár.

Úrslitin hefjast 23. apríl.

23. apríl – Leikur 1: KR-ÍR kl. 19:15
26. apríl – Leikur 2: ÍR-KR kl. 20:00
29. apríl – Leikur 3: KR-ÍR kl. 19:15
2. maí   –  Leikur 4: ÍR-KR kl. 19:15
4. maí   –  Leikur 5: KR-ÍR kl. 20:00

ÍR óskar strákunum innilega til hamingju og hvetur alla til að styðja við þá í úrslitarimmunni.

 

Upplýsingar og mynd:mbl.is

X