Frjálsíþróttadeild ÍR tilnefnir Guðbjörgu Jónu Bjarnadóttur og Guðna Val Guðnason sem íþróttafólk ÍR 2020!
Guðbjörg Jóna átti mjög gott ár þar sem hún bætti árangur sinn í 200 metra hlaupi innanhúss á árinu þegar hún sigraði á Reykjavíkurleikunum 2020. Guðbjörg varð Íslandsmeistari í 100 og 200 metra hlaupi utanhúss á árinu og einnig Íslandsmeistari með sveit ÍR í 4×100 hlaupi.
Guðbjörg er með stigahæsta afrekið innanhúss í kvennaflokki.
Guðni Valur Guðnason setti Íslandsmet í kringlukasti og kastaði hann 69,35 m á móti í Laugardal 16. sepember 2020. Er það stigahæsta frjálsíþróttaafrek Íslendings frá upphafi frjálsra íþrótta á Íslandi, eða 1232 stig.
Guðni Valur er Íslandsmeistari í kringlukasti og kúluvarpi 2020. Guðni er í 5 sæti á heimslista Alþjóða frjálsíþróttasambandsins í kringlukasti og 2 sæti á evrópu listanum.
Guðni Valur bætti einnig árangur sinn í kúluvarpi á árinu 2020 og var með lengsta kast ársins á Íslandi í kúluvarpi, bæði innanhúss og utanhúss.
Áfram ÍR!
