ÍR-ingar í Framfarahlaupi Fimbuls

Frjálsar 03.11.2019 | höf: María Stefánsdóttir

Þriðja og síðasta Framfarahlaup Fimbuls fór fram á Borgarspítalatúninu 3. nóvember við frábærar aðstæður. Það er ljóst að Framfarahlaupin eru komin til að vera og má segja að þau séu mikilvægur aðdragandi að Víðavangshlaupi Íslands sem fer fram á hverju hausti.

Víðavangshlaup Framfara voru haldin í Skógrækt Reykjavíkur 5. október, á grassvæðinu við Fossvogsskóla 12. október og lauk seríunni á Borgarspítalatúninu 3. nóvember. Í þetta sinn var það Fimbul íþróttavörufyrirtækið sem studdi seríuna með veglum verðlaunum til sigurvegaranna í stigakeppninni.

Í heildar stigakeppninni urðu eftirfarandi hlaupara stigahæstir en finna má heildarsamantekt á stigakeppninni hér https://timataka.net/framfarir2019/stig og úrslitum hlaupanna inni á www.timataka.is

Ungmenni, piltar:

• Stefán Kári Smárason, Breiðabliki, 58 stig
• Kristleifur Heiðar Helgason, Víkingi, 35 stig
• Elvar Gíslason, 18 stig

Ungmenni, stúlkur: 

• Dagrún Sunna Ragnarsdóttir, Ármanni, 30 stig
• Hafdís Svava Ragnheiðardóttir, 18 stig
• Hildur Arna Orradóttir, ÍR, 15 stig

Konur: 

• Fríða Rún Þórðardóttir, ÍR, 58 stig
• Sara Mjöll Smáradóttir, Breiðabliki, 45 stig
• Mari Jaersk, FH, 35 stig

Karlar:

• Þórólfur Ingi Þórsson, ÍR (ÍR NIKE), 52 stig
• Birkir Gunnlaugsson, 52 stig
• Hlynur Ólason, ÍR (ÍR Sportís), 35 stig

Fríða Rún Þórðardóttir tók saman