Guðbjörg Jóna Bjarnadóttir varð í dag þriðja í 200 m hlaupi á EM U18 og var tími hennar 23,73 sek. Írsk stúlka, Rashidat Adeleke, sigraði í hlaupinu á tímanum 23,52 sek sem er besti tími sem evrópsk stúlka undir 18 ára hefur náð í ár. Önnur var Gemima Joseph frá Frakklandi á 23,60 sek. Frábær árangur frá Guðbjörgu sem kemur heim með Evrópumeistaratitil og bronsverðlaun af mótinu.
Allir fimm íslensku keppendurnir hafa nú lokið keppni á mótinu og er þeim óskað til hamingju með frækinn árangur.
