Nú er keppni að mestu lokið þetta tímabilið hjá ungmennum í keilu. Um helgina fór fram lokaumferð í Meistarakeppni KLÍ. Sú keppni fer þannig fram að 5 umferðir eru leiknar yfir tímabilið þar sem krakkarnir leika 6 leiki í 1. til 3. flokki en krakkarnir í 4. og 5. flokki leika 3 leiki hvert sinn. Bestu 4 umferðir telja síðan til stigakeppninnar sem nær yfir tímabilið. Í 1. flokki pilta átti ÍR efstu 3 keppendurnar á verðlaunapalli, 2. sætið í 1. flokki stúlkna, 1. sætið í 2. flokki pilta sem og 2. flokki stúlkna.
Gaman er að segja frá því að mikil aukning varð í keppendahópi í 4. og 5. flokkum. Er það von allra félaga í keilunni að sá fjöldi haldist yfir á nýtt tímabil.
Lokastaðan í Meistarakeppnini var þessi hjá ÍR-ingum:
1. flokkur pilta
1. sæti: Adam Geir Baldursson
2. sæti: Hlynur Freyr Pétursson
3. sæti: Steindór Máni Björnsson
1. flokkur stúlkna
2. sæti: Elva Rós Hannesdóttir
2. flokkur pilta
1. sæti: Hinrik Óli Gunnarsson
5. sæti: Guðbjörn Joshua Guðjónsson
2. flokkur stúlkna
1. sæti: Hafdís Eva L Pétursdóttir
3. flokkur pilta
3. sæti: Tristan Máni Nínuson
4. flokkur pilta
2. sæti: Gottskálk Ryan Guðjónsson
3. sæti: Viktor Snær Guðmundsson
5. sæti: Guðmundur Ásgeir Svanbergsson
4. flokkur stúlkna
2. sæti: Bára Líf Gunnarsdóttir
Fleiri kepptu undir merkjum ÍR á mótinu en náðu ekki inn á stigalista vegna fárra móta.
Auk þess kepptu þessir hressu krakkar í 5. flokki pilta og stúlkna
- Davíð Júlíus Gíja
- Ásgeir Máni Helgason
- Sigfús Áki Guðnason
- Ester Sylvía Svanbergsdóttir
- Katrín Hulda Sigurðardóttir
Æfingar deildarinnar halda áfram fram í maí mánuð. Sjá nánar í Sportabler.
