Nokkrir ÍR-ingar sprettu úr spori í Fjölnishlaupinu í einmuna veðurblíðu á Uppstigningardag. Hlaupið var jafnframt MÍ í 10km götuhlaupi og áttu ÍR-ingar frábæran dag.
Þórólfur Ingi Þórsson hélt uppteknum hætti og sigraði í fínum tíma 33:55 mín, Vignir Már Lýðsson varð annar á 34:38 mín og Vilhjálmur Þór Svansson þriðji á 35:29 mín. Þórólfur sigraði í flokki 40-49 ára og Vignir í flokki 19-39 ára.
Í kvennaflokki kom Fríða Rún Þórðardóttir önnur mark á 39:44 mín en hún sigraði jafnframt í flokki 40-49 ára.
Fínir tímar, sér í lagi sé litið til þess að brautin er ekki létt heldur endar í 7-800m langri brekku að endamarkinu.
Til hamingju ÍR-ingar, við látum allstaðar að okkur kveða.
Fríða Rún Þórðardóttir tók saman.
