ÍR hefur samið við Errea á Íslandi um að lið félagsins leiki í búningum Errea næstu 6 ár. Samningurinn tekur gildi þann 1. September.
Vigfús Þorsteinsson formaður ÍR : Félagið fór af stað síðasta sumar að skoða búningamál og var í sambandi við fjölmarga aðila. Á endanum var ákveðið að fara í samstarf við Errea og verða þeir einn af okkar stærstu styrktaraðilum á samningstímanum.
Það er mikil ánægja í félaginu að hafa náð samning við Errea, þetta eru er gæðavörur og mikið vöruúrval , við væntum mikils af þessu samstarfi.
Errea mun sjá um keppnis- og æfingafatnað ÍR ásamt öðrum vörum sem í boði verða fyrir allar deildir nema frjálsíþróttadeild ÍR sem er undanskilin þessum samningi.
Nýir keppnisbúningar og aðrar vörur verða kynntir fljótlega en vinna við hönnun á nýjum keppnistreyjum er þegar hafin.
ÍR vill nota tækifærið og þakka Jakosport fyrir gott samstarf síðastliðin ár.
Bergþór Þorvaldsson, vörustjóri Erreà á Íslandi : Erreà er stolt af því að hefja samstarf með ÍR og hlakkar til að styðja við öflugt íþróttastarf þessa sögulega félags.
Erreà er ítalskt íþróttavörumerki sem hefur sérhæft sig í hönnun og framleiðslu á hágæða keppnis- og æfingafatnaði fyrir íþróttafélög um allan heim síðan 1988. Allur fatnaður Erreà er framleiddur í Evrópu úr Oeko-Tex vottuðum efnum – sem tryggir skaðlausa og ábyrga framleiðslu. Merkið sameinar ítalska hönnun, gæði og þægindi við sérsniðnar lausnir sem eru þróaðar í nánu samstarfi við félögin sjálf.
Á myndinni handsala Vigfús Þorsteinsson formaður ÍR og Bergþór Þorvaldsson vörustjóri Erreà á Íslandi samninginn, með þeim á myndinni er (t.v.) Kristján Finnbogason frá Erreà og (t.h.) frá ÍR, Krstinn Þór Steingrímsson formaður körfuknattleiksdeildar, Arnar Freyr Guðmundsson stjórnarmaður handknattleiksdeildar og Brynjar Már Bjarnason formaður knattspyrnudeildar ÍR
