Bakarameistaramótið er yngri flokka mót sem ÍR heldur tvisvar á ári, í Marsmánuði og í nóvember. Mótið er haldið í upphituðu knatthúsi okkar ÍR-inga fyrir 8.-, 7.- og 6. flokk í bæði karla- og kvennaflokki. Hvert lið leikur 5 leiki á mótinu og allir þeir sem taka þátt fá svo glaðning þegar þau hafa lokið keppni.
Bakarameistarinn er aðalstyrktaraðili mótsins. Á mótinu sjálfu er hægt að kaupa sér dýrindis bakkelsi og sætabrauð frá Bakarameistaranum í sjoppunni okkar sem er staðsett á annarri hæð knatthússins.
Nánari upplýsingar er hægt að finna á Facebook síðu mótsins eða í gegnum tölvupóstinn mot@ir.is.
