Í gærkvöldi fór fram hið árlega Páskamót keiludeildarinnar. Í ár styrkti Toppveitingar mótið veglega með verðlaunum og kunnum við þeim bestu þakkir fyrir. Að venju er þetta flokkaskipt mót með verðlaun fyrir þrjú efstu sætin í hverjum flokki auk smá aukaverðlauna. Í lokin er svo smá happadrætti til stuðnings unglingastarfinu en núna um páskana fara þrír fulltrúar frá ÍR á Evrópumót ungmenna sem fram fer í Finnlandi.
Mjóg góð þátttaka var í mótinu og góð spilamennska. Andrés Páll Júlíusson úr ÍR, sem er funheitur þessa dagana, sigraði Stjörnuflokkinn en hann lék 750 seríu eða 250 í meðaltal. Hann átti einnig hæsta leik mótsins eða 279. Aukaverðlaunin voru annars þau að fyrir utan verðlaunasæti voru veitt verðlaun fyrir hæsta leik karla og kvenna sem og hæstu seríu karla og kvenna. Gunnar Þór Ásgeirsson ÍR fékk verðlaun fyrir hæsta leik eða 246, Stefán Claessen ÍR fyrir hæstu seríu 639. Jóhanna Ósk Guðjónsdóttir ÍR fékk fyrir hæsta leik kvenna 198 og Sigríður Klemensdóttir fyrir hæstu seríu eða 540.
Efstu þrír í hverjum flokki urðu þessi:
Stjörnuflokkur
- Andrés Páll Júlíusson ÍR 750
- Einar Már Björnsson ÍR 705
- HAfþór Harðarson ÍR 687
A flokkur
- Svavar Þór Einarsson ÍR 602
- Linda Hrönn Magnúsdóttir ÍR 501
- Guðný Gunnarsdóttir ÍR 495
B flokkur
- Njörður Stefánsson ÍR 586
- Hörður Finnur Magnússon ÍR 575
- Anna Kristín Óladóttir KFR 544
C flokkur
- Karitas Róbertsdóttir ÍR 523
- Guðjón Gunnarsson ÍA 163
- Herdís Gunnarsdóttir ÍR 475
Öll úrslit úr mótinu (PDF opnast í nýjum glugga).
