ÍR Keiludeild leggur metnað sinn í að gera vel við iðkendur sína. Um árabil hefur verið viðhöfð sú stefna að vera fremst félaga/deilda í keilunni þegar kemur að stuðningi við félagsmenn sína og afreksfólk. Í því fellst ýmis stuðningur svo sem fjárhagslegur og annar.
Hér fyrir neðan má sjá þær reglur sem gilda um styrki deildarinnar, þær voru síðast yfirfarnar og samþykktar af stjórn í janúar 2023.
Umsóknir um styrki til deildarinnar
Reglur keiludeildar ÍR um gjöld, styrki og keppnisbúninga
1. gr.
Félagsgjöld
Allir meðlimir í keiludeild ÍR skulu greiða félagsgjöld, sbr. þó 3. mgr., sem eru eftirfarandi:
a. Félagar sem ekki stunda keppni á vegum félagsins greiða 3.000 kr. á ári
b. Nýir félagar sem keppa á vegum félagsins greiða 6.000 kr. á fyrsta ári
c. Eldri félagar sem keppa á vegum félagsins greiða 12.000 kr. á ári
Félagsgjaldið miðast við keppnistímabil keilunnar og hefst því nýtt tímabil í september ár hvert. Félagsgjöld skal greiða á tímabilinu september til nóvember ár hvert.
Börn og ungmenni sem stunda æfingar hjá félaginu og greiða æfingagjöld greiða ekki félagsgjöld.
2. gr.
Æfingagjöld barna og ungmenna
Æfingargjöld eru 44.400 kr. fyrir fulla þátttöku.
3. gr.
Styrkir til liða vegna deildar- og bikarkeppni
Auk styrkja samkvæmt 1. mgr. greiðir deildin eftirfarandi gjöld sem KLÍ innheimtir:
a. Gjöld vegna liðaskipta
b. Gjöld vegna venslasamninga
c. Keppnisgjöld pr. einstakling
4. gr.
Styrkir til einstaklinga
Keiludeild veitir eftirfarandi styrki til einstaklinga sem keppa undir merkjum ÍR:
a. 25% afslátt af árskortum í keilu
b. 15.000 kr. vegna ferða á viðurkennd erlend mót
c. 75% af ferðakostnaði eða að hámarki 120.000 kr. vegna landsliðsferða og skipulagðra ferða afrekshópa
Auk annarra styrkja sem tilteknir eru í reglum þessum veitir keildudeild eftirfarandi styrki til barna og einnig ungmenna undir 23 ára sem eru í afrekshópi ÍR eða KLÍ:
a. Greiðir keppnisgjöld í deild og bikar
b. Endurgreiðir keppnisgjöld í mót á vegum félaga eða KLÍ ef einstaklingur kemst í undanúrslit eða úrslit
c. Flug, hótel og keppnisgjöld vegna landliðsferða eða skipulagðra ferða afrekshópa
5. gr.
Keppnisbúningar
Lið sem keppa í deildar- eða bikarkeppni eiga rétt á liðsbúningum og bláum ÍR keppnistreyjum fyrir liðið. Þar að auki eiga lið rétt á nýjum liðstreyjum á þriggja ára fresti. Keiludeild greiðir fyrir treyjurnar en lið greiða sjálf fyrir merkingar.
Meðlimir liða eiga einnig rétt á 5000 kr. styrk til buxnakaupa á þriggja ára fresti.
6. gr.
Umsýsla vegna styrkja
Beiðnum um styrki samkvæmt reglum þessum skal beina á vef deildarinnar, hér fyrir ofan. Stjórn og/eða gjaldkeri afgreiðir umsóknirnar.
7. gr.
Gildistími
Reglur þessar voru samþykktar á fundi stjórnar keiludeildar þann 26. janúar 2023.
Stjórn skal taka reglurnar til skoðunar árlega og uppfæra ef þörf er á.
