Árlegt Þorrablót ÍR verður haldið í íþróttahúsi Seljaskóla laugardagskvöldið 14. janúar n.k. Miðasala hefst í ÍR-heimilinu fimmtudaginn 1. desember kl. 17:00. Seld verða heil tólf manna borð. Fyrstir koma fyrstir fá. Verð fyrir mat og ball kr. 8.900. Veislustjóri verður Séra Ólafur Jóhann Borgþórsson sóknarprestur í Seljasókn. Hljómsveitin Stuðlabandið mun leika fyrir dansi.
Undirbúningur þessa stórviðburðar í hverfinu sem nú verður haldinn í sjötta skipti er í fullum gangi og stefnt á mikla stemmningu og gleði. Undirbúningsnefnd Þorrafagnaðar ÍR skipa: Reynir Leví Guðmundsson formaður, Þorsteinn Magnússon, Bergþóra Eiðsdóttir, Brynja Guðmundsdóttir, Guðný Inga Ófeigsdóttir, Hilmar Sigurjónsson, Ingibjörg Helgadóttir, Brynjar Einarsson og Hrannar Máni Gestsson. Sérstakur ráðgjafi nefndarinnar er Haraldur Reynisson.
