Golfmót ÍR verður haldið laugardaginn 28. ágúst graphic

Golfmót ÍR verður haldið laugardaginn 28. ágúst

18.08.2021 | höf: Hrafnhild Eir R.

Laugardaginn 28. ágúst verður Golfmót ÍR haldið hjá golfklúbbi Hellu, Strandavelli, og verða Golfmeistarar ÍR 2021 krýndir bæði í kvenna- og karlaflokki.
Veitt verða verlaun fyrir 1. til 3. sæti í bæði karla- og kvennaflokki auk þess sem verðlaun verða veitt fyrir að vera næst holu á öllum par 3 (5 brautir).
Fyrstu 42 til að greiða þátttökugjaldið fá teiggjafir.
Þátttökugjald er 8.500 kr. sem greiðist inn á reikning : kt.670169-1549, banki; 0115-26-6701.
Tilkynningu um staðfestingu á greiðslu skal senda á ir@ir.is með nafni þátttakenda, golfbox nr., kennitölu ásamt nafni DEILDAR sem viðkomandi vill STYRKJA. Öll innkoma af golfmótinu rennur beint í að styrkja starf þeirrar deildar ÍR sem þátttakandi valdi að styrkja.
Opið er fyrir skráningar en skráningu lýkur þriðjudaginn 24. ágúst. Fyrstur kemur fyrstur fær, aðeins 56 rástímar í boð.
Verðlaunaafhending mun fara fram í ÍR heimilinu, Skógarseli 12, kl. 19.00 þar sem boðið verður uppá mat sem er innifalinn í þátttökugjaldi. Einnig verður dregið úr skorkortum. Húsið opnar kl. 18.30.
*Matseðillinn: Villikryddað lambalæri, dijonmarineruð kalkúnabringa, rjómasveppasósa, bernaisesósa, smjörsteikt smælki, ferskt salat og smjörsoðinn mais.
Keppnisfyrirkomulag: Punktakeppni.
Hámarksforgjöf: 24 karlar og 28 konur
Aðeins þeir sem eru í klúbbi með löglega forgjöf geta unnið til verðlauna, aðrir leika sem gestir.
Verði tveir einstaklingar jafnir í verðlaunasæti, þá sigrar sá sem er með fleiri punkta á seinni níu holunum. Séu þeir enn jafnir gilda síðustu 6 holurnar og þá síðustu 3 holurnar og þá 18 hola. Ef aðilar eru enn jafnir skal kasta hlutkesti.
Rástímar eru frá kl. 9.00 til 11.10, en mótsstjórn áskilur sé rétt til að þjappa ráshópum og skráningum saman frá kl 9.00 verði ekki skráning í alla teigtímana.
Viðburður á facebook: https://fb.me/e/2oY0cnUbl
Þetta er viðburður sem enginn ÍR-ingur má láta fram hjá sér fara. Áram ÍR.
X