Vormót ÍR er haldið í júní ár hvert og var fyrst haldið árið 1943. Keppt er í karla og kvennaflokki á mótinu. Vormót ÍR og Kaldalshlaupið árið 2017 fer fram á Laugardalsvelli miðvikudaginn 14. júní og hefst kl. 17:30. Mótið er það 75. í röð Vormóta ÍR.

Skráning

Skráning keppenda fer fram í Þór mótaforriti FRÍ Keppendur eru beðnir að skrá sig fyrir miðnætti föstudaginn 9. júní og tilgreina besta tíma í spretthlaupum vegna röðunar í riðla og á brautir.

Keppnisstaður og tímaseðill

Keppni fer fram á Laugardalsvelli, miðvikudaginn 14. júní og hefst kl. 17:30. Endanlegur tímaseðill verður birtur í Þór mótaforriti FRÍ þriðjudaginn 13. júní.

Keppnisgreinar

Karlar: 100m, 200m, 400m, 800m, 3000m (Kaldalshlaupið), 400m grindahlaup, langstökk, hástökk, stangarstökk, kúluvarp, kringlukast, spjótkast og sleggjukast.

Konur: 100m, 200m, 400m, 800m, 2000m hindrunarhlaup, 100m grind 15-17 ára, hástökk, stangarstökk, þrístökk, kringlukast og sleggjukast 15-17 ára stúlkna og kvenna.

Skráningargjald og uppgjör

Skráningargjaldið er 1.500 kr á hverja keppnisgrein. Greiðsluseðlar verða sendir félögum að móti loknu en keppnisgjöld verður einnig hægt að greiða á staðnum.

Keppnisfyrirkomulag

Stökk og köst: Allir keppendur fá 3 tilraunir og síðan fá þeir 8 bestu 3 tilraunir til viðbótar. Endurraðað verður í stökk/kaströð áður en þeir 8 bestu halda áfram keppni. Gert er ráð fyrir að í upphitun fái allir keppendur tvö upphitunarstökk/upphitunarköst.

Hlaup: Tímar í riðlum gilda.

Byrjunarhæðir í hástökki og stangarstökki: Hástökk: Konur: 1,40m – 1,45m – 1,50m – 1,55m – 1,58m o.s.frv. Karlar:

Stangarstökk: Karlar: 3,00m – 3,20m – 3,40m – 3,60m – 3,80m – 3,90m o.s.frv. Konur:

Nafnakall: Fer fram á keppnisstað 20 mínútum áður en keppni hefst í viðkomandi grein, nema í hlaupagreinum en þá fer nafnakall fram við ráslínu 10 mínútum fyrir hlaup.

Verðlaun

Sigurvegari í hverri grein hlýtur verðlaun. Stefnt er að verðlaunaafhendingu strax að lokinni keppni í hverri grein og eru keppendur beðnir um að vera til taks.

Veitingar

Keppendum verður boðið upp á grillaðar pylsur og drykk í mótslok. Þjálfurum og gestum mótsins býðst að kaupa pylsur og drykk á kostnaðarverði.

Frekari upplýsingar

Margrét Héðinsdóttir – Netfang: margret1301@gmail.com Sími: 854-1481

Síðast uppfært: 09.06.2017 klukkan 11:16