Sumarmámskeið ÍR 2017

Undirbúningur fyrir sumarnámskeið 2017 er í fullum gangi. ÍR mun bjóða upp á sín vinsælu SUMARGAMAN“ námskeið  fyrir aldurshópinn 6-9 ára.       SUMARGAMAN“ ÍR er íþrótta- og leikjanámskeiði hjá Íþróttafélagi Reykjavíkur sem haldið er yfir sumartímann. Meginmarkmið skólans er að efla og auka skyn og hreyfiþroska barna, og veita fjölbreytt íþrótta- og leikjauppeldi. Stefna félagsins er að byggja upp hjá börnunum heilbrigðar og hollar lífsvenjur, koma til móts við börn sem þurfa og vilja leika sér, og foreldra sem vilja að börn þeirra fái alhliða þjálfun í öruggu umhverfi.

Á námskeiðunum geta börnin valið um tvær brautir: Annars vegar Lista- og sköpunarbraut sem samanstendur af hreyfingu og útiveru, leikjum, göngutúrum, hjólaferðum, ævintýradögum, sönglist, föndurdögum, sundferðum, bæjarferðum, upplýsingaferðum og dansi hins vegar af Íþróttabraut sem samanstendur af frjálsíþróttaþjálfun, fimleikaþjálfun, handboltaþjálfun, knattspyrnuþjálfun og körfuknattleiksþjálfun.  Báðar brautir sameinast og fara saman í allar ferðir, svo sem ævintýraferðir, upplýsingaferðir, hjólaferðir, sundferðir og bæjarferðir.

Leikir verða nýttir í miklum mæli til að auka hreyfingu, færni og tjáningu barna, efla samkennd þeirra og hópavinnu.

Námskeiðin hefjast mánudaginn 12. júní og standa fram í ágúst. SUMARGAMAN“  eru bæði heilsdags og hálfsdags námskeið. Hægt verður að velja um hálfs dags námskeið fyrir og eftir hádegi og standa námskeiðin yfir í eina viku í senn. Þá verður boðið upp á heitan mat í hádeginu, gegn gjaldi og gæslu frá 8:00-9:00 og frá 16:00-17:00.

Fjölbreytt úrval annarra íþróttanámskeiða verða einnig í boði hjá ÍR í sumar.

Nánari upplýsingar um þessi námskeið munu birtast á vef og facebook síðu ÍR innan tíðar.

 

 

 

Síðast uppfært: 18.04.2017 klukkan 11:07