Landsliðin í keilu keppa á HM graphic

Landsliðin í keilu keppa á HM

23.11.2017 | höf: Jóhann Ágúst

A landslið karla og kvenna í keilu keppa á Heimsmeistaramóti landsliða í keilu en mótið fer fram í Las Vegas dagana 24. nóvember til 4. desember. Er þetta í fyrsta sinn sem bæði karla- og kvennalið Íslands keppa á sama tíma á HM í keilu. Kvennaliðið tryggði sér þátttöku á mótinu með ágætum árangri á EM í Vín 2016 en þar náðu þær 13. sæti í liðakeppninni sem gaf þátttökurétt á mótinu. Karlaliðið var hársbreidd frá því að tryggja sér sitt sæti á EM 2016 en þar sem tvær Evrópuþjóðir gáfu ekki kost á sér á HM var íslenska liðinu boðið sæti í þeirra stað.
Alls keppa 42 þjóðir á HM í ár þar af 213 karlar og 176 konur. Keppnin á mótinu fer þannig fram að keppt er í einstaklingskeppni, tvímenningi, þrímenningi, liðakeppni 5 manan liða og svo er svokölluð All Events keppni þar sem meðaltalshæstu karl- og kvennkeilarar mótsins keppa sín á milli.

Landsliðin eru skipuð eftirfarandi leikmönnum

A landslið karla

  • Arnar Davíð Jónsson Keilufélag Reykjavíkur (KFR) – Fyrirliði
  • Gunnar Þór Ásgeirsson ÍR
  • Gústaf Smári Björnsson KFR
  • Hafþór Harðarson ÍR
  • Jón Ingi Ragnarsson KFR
  • Skúli Freyr Sigurðsson KFR

Ásgrímur Helgi Einarsson er þjálfari karlaliðsins

A landslið kvenna í keilu

  • Bergþóra Rós Ólafsdóttir ÍR
  • Dagný Edda Þórisdóttir KFR – Fyrirliði
  • Guðný Gunnarsdóttir ÍR
  • Hafdís Pála Jónasdóttir KFR
  • Katrín Fjóla Bragadóttir KFR
  • Linda Hrönn Magnúsdóttir ÍR

Hafþór Harðarson ÍR er þjálfari kvennaliðsins

Auk þeirra fara Hörður Ingi Jóhannsson ÍR og Theódóra Ólafsdóttir KFR sem fararstjórar.

Keppnin hefst 24. nóvember með opinberum æfingum. Þar fá keppendur loks upplýsingar um hvaða olíuburður verður notaður á mótinu og fá að æfa á brautunum sem keppt verður á en mótið fer fram í Sout Point Bowling Plaza sem er með 60 keilubrautum. Laugardaginn 25. hefst svo einstaklingskeppni kvenna en karlarnir hefja keppni sunnudaginn 26. nóvember.

Allar upplýsingar um mótið má sjá á vefsíðu þess. Þar má meðal annars fylgjast með stöðu leikja í rauntíma sem og að sjá beina útsendingu frá ákveðnum brautum.

A landslið Keilusambands Íslands 2017 fyrir HM í Las Vegas Bandaríkjunum Frá vinstri: Ásgrímur Helgi Einarsson þjálfari karlalandsliðsins, Guðjón Júlíusson fararstjóri, Skúli Freyr Sigurðsson KFR, Gústaf Smári Björnsson KFR Jón Ingi Ragnarsson KFR, Arnar Davíð Jónsson KFR - fyrirliði, Hafþór Harðarson þjálfari kvennalandsliðsins, Bergþóra Rós Ólafsdóttir ÍR, Gunnar Þór Ásgeirsson ÍR, Linda Hrönn Magnúsdóttir ÍR, Dagný Edda Þórisdóttir KFR - fyrirliði, Hafdís Pála Jónasdóttir KFR, Katrín Fjóla Bragadóttir KFR, Guðný Gunnarsdóttir ÍR, Theódóra Ólafsdóttir fararstjóri.

A landslið Keilusambands Íslands 2017 fyrir HM í Las Vegas Bandaríkjunum
Frá vinstri: Ásgrímur Helgi Einarsson þjálfari karlalandsliðsins, Guðjón Júlíusson fararstjóri, Skúli Freyr Sigurðsson KFR, Gústaf Smári Björnsson KFR Jón Ingi Ragnarsson KFR, Arnar Davíð Jónsson KFR – fyrirliði, Hafþór Harðarson þjálfari kvennalandsliðsins, Bergþóra Rós Ólafsdóttir ÍR, Gunnar Þór Ásgeirsson ÍR, Linda Hrönn Magnúsdóttir ÍR, Dagný Edda Þórisdóttir KFR – fyrirliði, Hafdís Pála Jónasdóttir KFR, Katrín Fjóla Bragadóttir KFR, Guðný Gunnarsdóttir ÍR, Theódóra Ólafsdóttir fararstjóri.