Sigursælir ÍR-ingar á Íslandsmeistaramóti barna og unglinga í kata 2016 graphic

Sigursælir ÍR-ingar á Íslandsmeistaramóti barna og unglinga í kata 2016

24.02.2016 | höf: Hrafnhildur Úlfarsdóttir

Börn og unglingar frá karatedeild ÍR voru sigursæl á Íslandsmeistaramóti barna og unglinga í kata sem haldið var í Smáranum Kópavogi 20. febrúar 2016.

Á Íslandsmeistaramóti unglinga sem haldið var fyrir hádegi mættu 120 einstaklingar og 25 lið frá 11 félögum og á Íslandsmeistaramóti barna eftir hádegi mættu 130 börn og 30 lið. Karatedeild ÍR lenti í þriðja sæti félaga í bæði unglinga- og barnaflokki og lönduðu tveimur Íslandsmeistaratitlum í unglingaflokki. Í úrslitum í flokki 16-17 ára unglinga voru báðir keppendur frá karatedeild ÍR, þeir Aron og Mattías. Fjöldi barna og unglinga úr karatedeild ÍR lentu í verðlaunasæti og má sjá árangur þeirra hér:                                                                                                                                                                                 Kamila Buracewska: Íslandsmeistari 14 ára

Aron Anh Ky Huynh: Íslandsmeistari 16-17 ára

Mattías B.Montazeri : 2. sæti 16-17 ára

Kristófer L. Bjarnason: 2. sæti 13 ára

Alexander K. Bendtsen: 3. sæti 12 ára

Salma EL Massoudi: 3. sæti 13 ára

Jakub Kobiela: 2. sæti 8 ára og yngri.

Adam Ómar Ómarsson: 3. sæti 8 ára og yngri

Ugne Sarkaite: 3. sæti 10 ára

Karatedeild ÍR náði einnig góðum árangri í hópkata. Daníel, Agatha og Ugne (ÍR-A) komust í úrslit og fengu silfurverðlaun í hópkata 10-11 ára. Í verðlaunasæti barna í hópkata 9 ára og yngri, urðu tvö lið í 3. sæti, þau Mia, Francis og Karen ( ÍR- B) og Adam, Júlía og Lena ( ÍR- A). Aron Anh, Mattías og Kamila (ÍR-A) lentu í 3. sæti í hópkata unglinga 16-17 ára.