Kamila í þriðja sæti í kata 2018 graphic

Kamila í þriðja sæti í kata 2018

19.04.2018 | höf: Hrafnhildur Úlfarsdóttir

Kamila Buraczewska varð í þriðja sætið í kata 16-17 ára stúlkna á Íslandsmeistaramóti unglinga í Smáranum sunnudaginn 15. apríl. Hún var eini keppandinn frá karatedeild ÍR í unglingaflokki sem komst á verðlaunapall, en fimm unglingar frá deildinni tóku þátt í einstaklingskata og skipuðu eitt hópkatalið. Keppendur á mótinu voru áttatíu og sjö frá tíu félögum.

 

Branka Alexandersdóttir útskrifaðist um helgina sem fyrsti karatedómari ÍR í kata sem kemur úr iðkendahópi deildarinnar. Að loknu skriflegu prófi, stóðst hún verklegt próf sem dómari á Íslandsmeistaramóti barna og unglinga í kata 2018. Hún er ein af sjö dómurum sem útskrifuðust með B-réttindi í kata á dómaranámskeiði sem haldið var af Karatesambandi Íslands.

30710520_2374722362754227_8164825839190616089_n