Íbúafundur um málefni Breiðholts, fimmtudaginn 23. febrúar. Hvetjum alla ÍR-inga til að mæta. graphic

Íbúafundur um málefni Breiðholts, fimmtudaginn 23. febrúar. Hvetjum alla ÍR-inga til að mæta.

21.02.2017 | höf: Brynja Guðmundsdóttir

Borgarstjórinn í Reykjavík boðar til opins íbúafundar um fyrirhugaða uppbyggingu í Breiðholti. Fundurinn verður haldinn í Gerðubergi fimmtudaginn 23. febrúar kl. 20.00.

Gefin verður heildarmynd af hverfinu og áherslur í aðalskipulagi, en sjónum verður síðan sérstaklega beint að uppbyggingu í Suður-Mjódd og deiliskipulagsvinnu sem þar er í gangi, hugmyndum um uppbyggingu í Norður-Mjódd og við Stekkjabakka. Í tengslum við uppbyggingu í Suður-Mjódd mun borgarstjóri fara yfir samning við ÍR og kynna samráðshópa sem borgarráð hefur samþykkt að stofna um eflingu íþróttastarfs í Breiðholti.

Eftir kynningu gefst fundargestum kostur á að bera upp fyrirspurnir.