Tiana Ósk keppir á EM U20 graphic

Tiana Ósk keppir á EM U20

19.07.2017 | höf: María Stefánsdóttir

Evrópumeistaramót U20 fer fram í Grosseto á Ítalíu dagana 20.-23. júlí nk. ÍR-ingar eiga einn fulltrúa á mótinu, Tiönu Ósk Whitworth sem keppir í 100 og 200 m hlaupi. Undanrásir í 100m verða í fyrramálið og hefjast kl. 8.40 að íslenskum tíma og í 200m á föstudag kl. 17.20.

Auk Tiönu taka tvær aðrar íslenskar stúlkur þátt í mótinu, Erna Sóley Gunnarsdóttir Aftureldingu, sem keppir í kúluvarpi og Irma Gunnarsdóttir Breiðabliki í sjöþraut.

ÍR-ingurinn Guðbjörg Jóna Bjarnadóttir náði einnig lágmörkum á Evrópumeistaramótið en gaf ekki kost á sér þar sem hún keppir á Ólympíuhátíð Evrópuæskunnar sem verður sett á sunnudag.

Hægt er að fylgjast með vefútsendingu frá mótinu.